By : Abu Farabi al-Banjar
Lagi ulun kanak-kanak umur kalu kada salah antara 11 -12 tahun Nada Orkes ulun dikiau bamain diwadah kapala PU, kasan maramiakan anaknya baulang tahun. Kapala PU itu, wayah ini urang mengiaunya bus (boos), urang banjar jua, hanyar pindah tumatan Banjarmasin . Ulun lihat anak sidin bus PU itu baulang tahun mahambus lilin lawan muntungnya sampai lilin mati. Bulik karumah ulun bapadah lawan kuitan, handak baulang tahun jua, mangiaui kakawalan lawan baorkesan kasan maramikannya. Nangkaya anak bus PU. Ujar mama ulun, muha nyawa dimana mangucik duit, nyawa itu kada baisi abah lagi, unda janda, gawian unda bajual wadai lawan jaring bajarang. Mana kawa maumpati gawian urang balanda, tahukah nyawa urang balanda aja yang baulang tahunan, urang balanda itu bubuhan kafer, kada bulih diumpati, haram tahulah nyawa.Pamandiran uma ulun itu sampai wayah ini ulun ingatkan, sakalinya bujur pang ujar sidin itu.
Kalu wayah ini pinanya ulun lihat urang-urang barabut manggawi gawian bubuhan urang kafer, kalu kada umpat manggawi, supan disambat urang katinggalan zaman, kada umpat bagaul. Wayah ini zaman maju, kada pang nangkaya bahari urang-urangnya kolot. Kalu handak maju, nangkaya urang balanda, umpati apa yang digawi urang. Jangan umpat apa ujar kuitan nang kolot, kada tahu bagaul.
Astaghfirullah ………urang wayah ini kawani-wanian manyambati kuitannya urang kolot, kurang bagaul.Kalu pang nyawa kena katulahan lawan kuitan.
Tahulah nyawa ui…, baulang tahun itu gawian urang kafer nangkaya urang balanda, bahurup utas (bertukar cincin) itu gawiannya urang balanda tamasuk gawian nang kada bulih diumpati atawa diteron-teron (ditiru-tiru), ujar agama ngarannya tasyabbuh
Ada urang umpat batakun lawan Syaikh Muhammad bin Shalih al-Utsaimin rahimahullaah, ulama tumatan Makkah , ujar sidin tasyabbuh ( maumpati) itu urang nang manggawi gawian urang nang diumpatinya. Maumpati urang kafir artinya urang muslim melakukan gawian nangkaya apa yang digawi urang kafir nang mimang tandanya inya urang kafer. Kalu gawian itu digawi urang islam sabarataan, nangkaya besalawar panjang, lalu gawian itu kada mambidakannya lawan urang kafir, itu ngarannya lain tasyabbuh ( kada dingarani umpat-umpatan), hukumnya kada haram. Lain kalu hukum asalnya haram, nangkaya makan babi,. Kada kawa kada haram hukumnya
Islam manangati kita barataan kada umpat-umpatan atawa meneron gawian, adat istiadat lawan akhlak bubuhan nurang kafir. Kita urang islam jangan kada, harus memingkut kuat-kuat aturan agamanya tumatan nang ngarannya iman atawa aqidah, nangkaya apa baibadah, nangkaya apa bakakawalan , akhlak lawan gawian nang sahari-hari. Tapi banyak bubuhan kita kada handak bahati-hati, diumpatinya aja gawian bubuhan urang kafir. Ini ngarannya lamah iman atawa kurang baiman. Inya kada tahu dibunguli lalu ditinggalkannya ajaran agama islam nang mulia, diambilnya ajaran urang kafir nang kada baik.
Banyak banar gawian bubuhan urang kafir yang diumpati bubuhan urang islam, sudahnya ngarannya baulang tahunan, bahurup utas , basalawar kantat atawa basalawar handap nangkaya babinian wayah ini, malihatakan paha nang putih, tajalak mata lalakian mahawasinya. Kalu paha putih kurang labih aja pang, tapi kalu pahanya bakunat bakas kuring/kudis atawa bakuridak hirang, urang sabarataan manyambati atawa maucap, paha yang banyak pulaunya ditampaikan jua. Padahal islam maharamakan babinian nanga manampai'akan auratnya.
Ma’andaki kambang diatas tanduan urang mati , lawan ma’andaki kambang dikuburan jadi gawiannya urang islam, kada tahunya asal muasalnya itu tahulah ikam , samunya'an gawian bubuhan urang hindu, lalu diumpati lih bubuhan kita urang islam. Sangkan urang kita islam kada papa maumpati apa nang digawi urang kafer, imbahai kita taumpat jadi kafer jua.
Ba'arwahan atawa bahaulan manalu (tiga) hari , menyalawi (duapuluh lima) hari, maampat puluh hari, menyaratus hari, imbah kematian kadada disuruh dalam agama islam,. Maniga hari, menyalawi, maampat puluh hari, manyaratus ratus itu datang dari peninggalan agama hindu. Kadabulih pang diumpati. Cari ja aturannya dalam agama islam kalu ada nang manyuruh bahaluan, ulama Kalimantan Selatan nang ujar urang bakaramat di Kalampayan Syech Muhammad Arsyad Al-Banjari dibuku sidin Sabilal Muhtadin manangati bahaulan itu. Tapi anak cucu, buyut turunan sidin, kita sabarataan bubuhan banjar, macam itu jua tuan guru rancak banar mahauli sidin Syech Muhammad Arsyad Al-Banjari. Nangkaya samalam ada haulan 100 tahun maninggalnya sidin, haulannya bangaran haul ganal ( akbar).
Kita barataan tasalah ganal (kalu bujur bahaulan itu disuruh digawi ulih islam), kanapa tasalah ganal ?!. Cuba dipikir mana alimnya Syech Muhammad ArsyadAl-Banjari lawan Nabi Muhammad shallahu ‘alaihi wasallam, atawa kada usah mambandingkan sidin lawan Rasullulah, lawan sahabat-sahabat radhyallahu ‘anhum kada talawani kealimannya. Nah kanapa kita barataan kada mahauli bubuhan sahabat. Kada dihaulinya Rasullulah atawa bubuhan sahabat sidin itu, disabab'akan kada ada suruhan atawa cuntuh nang kawa diumpati. Makanya sudah bujur kita barataan kada mahauli Rasullulah atawa bubuhan sahabat, nang tasalah ganal mahauli tuan guru-tuan guru atawa wali-wali nangkaya datu kalampayan Syech Muhammad Arsyad Al-Banjari, Guru Ijai di Sekumpul. Atawa bahualan nini padatuan lawan kuitan dan dingsanak nang mati.Kita barataan tasalah maumpati apa nang digawi ulama-ulama tadudi nang manyuruh kita bahaulan nangkaya gawiannya urang hindu.
Bubuhan urang islam kalu malihat atawa mandangar ada gawian urang kafer nang katuju barami-rami, nangkaya banatalan bubuhan karistin (nasrani) baulang tahun hari diranakannya Yesus ujarnya, bubuhan islam umpat jua bamulutan (memperingati maulid), urang karistin manggawi hari kenaikan Isa Al Masih, urang islam kada handak kalah jua, inya bami’ratan ( peringatan isra mi’raj), urang karistin barami-rami batahun baru masehi, Bubuhan urang islam kada handak kalah tadah jua, inya maulah jua paringatan manyambut tahun hanyar 1 Muharram.
Kadada dalam sirah islam nang dicuntuhakan Rasullulah shallalahu ‘alaihi wasallam atawa ulih bubuhan sahabat atawa suruhan tumat sidin, bubuhan kita umat islam maramikan hari-hari ganal (hari besar) islam, nang kaya nang banyak digawi wayah ini. Gawian itu umpat-umpatan aja lawan urang kafer.
Ulun ta’ingat dua talu bulan lalu kalu kada salah, kakanakan nang anum atawa nang bujang, laki-laki atawa babinian rami-rami manggawi hari bakasihan (hari kasih sayang/valentine day). Bahari lagi ulun anum kadada gawian kaya itu, satahu unda hanyar ampat lima tahun ini rami digawi kakakanakan sakulahan. Valentine day itu hari kakanakan urang karistin, ulih kakanan anum lawan nang babujangan islam diumpati, supaya haratlah kisahnya, kada tahunya maolah dusa .
Bubuhan kita urang islam, apalagi urang banjar katuju banar nang ngarannya basalamatan maundang urang badua selamat, urang-urang disurungi makanan wadai kakulih, tahukah nyawa wadai kakulih itu nangkaya apa?. Kakulih itu wadai nangkaya puding, diulah urang matan galapung baras dibari pudak diharu lawan banyu, disumap, sudah masak, didinginkan, imbah karas mamakannya lawan gula habang basantan (sarikaya). Wayah ini jarang urang maulah kakulih, kakulih diganti lawan nasi tumpeng. Basalamatan atawa basyukuran ngarannya wayah ini kada disyari’atkan Kadada aturannya dalam agama. Tumat dimana basalamatan atawa basyukuran. Kada tahunya itu gawian urang hindu nang kita umpati. Wayah ini urang banjar banyak banar nang katuju baulah nasi tumpang kalu ba’aruhan (basalamatan,) bahari nini padatuan atawa kuitan kita kada tahu pang nang ngarannya nasi tumpeng.
Kalu direken-reken (dihitung-hitung), kada karekenan lagi gawian urang kafer nang diumpati kita bubuhan islam. Kada tahu salah atawa bujur, kada tahu bujur bahalang, apa nang digawi urang diumpati tarus.
Umpat-umpatan ujar urang banjar, kalu bahasa arabnya tasyabbuh lawan urang kafer atawa agama lain, ditangati syari’at sabab ada hujjahnya tumat Rasullulah shallalahu ‘alaihi wasallamNabi shallallaahu ‘alaihi wa sallam bersabda :
مَنْ تَشَبَّهَ بِقَوْمٍ فَهُوَ مِنْهُمْ (أخرجه أحمد وغيره، وصججه الألباني في الإرواء رقم ١٢٦٩)“
Hadits Rasullulah shallalahu ‘alaihi wassalam mamadahi kita barataan kalu kita maumpati kaum atawa umat lain, kita tamasuk kadalam umat atawa kaum itu. Kalu umpat-umpatan lawan urang kafer kita taumpat kafer jua.
Ujar Syaikh Islam Ibnu Taimiyah: hikmah hadits Rasullulah shallalahu ‘alaihi wasallam kada kawa lurus jalan urang nang disuruh maumpati nang ngarannya lurus itu, kecuali inya kada maumpati jalan-jalan umat lain.
Imam Bukhari rahimahullah meriwayatkan sebuah hadits Rasullulah shalalahu a’alaihi wasallam :
(“Sungguh kalian akan mengikuti sunnah-sunnah yang ada pada pada umat sebelum kalian, sejengkal demi sejengkal dan sehasta demi sehasta. Hingga seandainya mereka masuk ke lubang biawak, niscaya kalian akan mengikutinya pula”. Kami (para shahabat) bertanya : “Wahai Rasulullah, apakah mereka orang-orang Yahudi dan Nasharani ?”. Beliau menjawab : “Siapa lagi ?” [Muttafaqun ‘alaih]
Allah ta’ala berfirman :
يَا أَيُّهَا الَّذِينَ آمَنُوا إِنْ تُطِيعُوا فَرِيقًا مِنَ الَّذِينَ أُوتُوا الْكِتَابَ يَرُدُّوكُمْ بَعْدَ إِيمَانِكُمْ كَافِرِينَ * وَكَيْفَ تَكْفُرُونَ وَأَنْتُمْ تُتْلَى عَلَيْكُمْ آيَاتُ اللَّهِ وَفِيكُمْ رَسُولُهُ وَمَنْ يَعْتَصِمْ بِاللَّهِ فَقَدْ هُدِيَ إِلَى صِرَاطٍ مُسْتَقِيمٍ“
“Hai orang-orang yang beriman, jika kamu mengikuti sebahagian dari orang-orang yang diberi Al-Kitab, niscaya mereka akan mengembalikan kamu menjadi orang kafir sesudah kamu beriman. Bagaimanakah kamu (sampai) menjadi kafir, padahal ayat-ayat Allah dibacakan kepada kamu, dan Rasul-Nya pun berada di tengah-tengah kamu? Barang siapa yang berpegang teguh kepada (agama) Allah maka sesungguhnya ia telah diberi petunjuk kepada jalan yang lurus” [QS. Ali ‘Imraan : 100-101].
( Wallahu ta’ala ‘alam )
Dituntungkan hari kamis, tanggal 20 Dzulqaidal 1431 H / 28 Oktober 201
copas dari (dgn sedikit editan) :
http://www.facebook.com/notes/abu-reyhan-al-banjary/nasehat-untuk-keluarga-besar-urang-banjar/156037937765960#!/note.php?note_id=156943707675383
By : Abu Farabi al-Banjar
Lagi ulun kanak-kanak umur kalu kada salah antara 11 -12 tahun Nada Orkes ulun dikiau bamain diwadah kapala PU, kasan maramiakan anaknya baulang tahun. Kapala PU itu, wayah ini urang mengiaunya bus (boos), urang banjar jua, hanyar pindah tumatan Banjarmasin . Ulun lihat anak sidin bus PU itu baulang tahun mahambus lilin lawan muntungnya sampai lilin mati. Bulik karumah ulun bapadah lawan kuitan, handak baulang tahun jua, mangiaui kakawalan lawan baorkesan kasan maramikannya. Nangkaya anak bus PU. Ujar mama ulun, muha nyawa dimana mangucik duit, nyawa itu kada baisi abah lagi, unda janda, gawian unda bajual wadai lawan jaring bajarang. Mana kawa maumpati gawian urang balanda, tahukah nyawa urang balanda aja yang baulang tahunan, urang balanda itu bubuhan kafer, kada bulih diumpati, haram tahulah nyawa.Pamandiran uma ulun itu sampai wayah ini ulun ingatkan, sakalinya bujur pang ujar sidin itu.
Kalu wayah ini pinanya ulun lihat urang-urang barabut manggawi gawian bubuhan urang kafer, kalu kada umpat manggawi, supan disambat urang katinggalan zaman, kada umpat bagaul. Wayah ini zaman maju, kada pang nangkaya bahari urang-urangnya kolot. Kalu handak maju, nangkaya urang balanda, umpati apa yang digawi urang. Jangan umpat apa ujar kuitan nang kolot, kada tahu bagaul.
Astaghfirullah ………urang wayah ini kawani-wanian manyambati kuitannya urang kolot, kurang bagaul.Kalu pang nyawa kena katulahan lawan kuitan.
Tahulah nyawa ui…, baulang tahun itu gawian urang kafer nangkaya urang balanda, bahurup utas (bertukar cincin) itu gawiannya urang balanda tamasuk gawian nang kada bulih diumpati atawa diteron-teron (ditiru-tiru), ujar agama ngarannya tasyabbuh
Ada urang umpat batakun lawan Syaikh Muhammad bin Shalih al-Utsaimin rahimahullaah, ulama tumatan Makkah , ujar sidin tasyabbuh ( maumpati) itu urang nang manggawi gawian urang nang diumpatinya. Maumpati urang kafir artinya urang muslim melakukan gawian nangkaya apa yang digawi urang kafir nang mimang tandanya inya urang kafer. Kalu gawian itu digawi urang islam sabarataan, nangkaya besalawar panjang, lalu gawian itu kada mambidakannya lawan urang kafir, itu ngarannya lain tasyabbuh ( kada dingarani umpat-umpatan), hukumnya kada haram. Lain kalu hukum asalnya haram, nangkaya makan babi,. Kada kawa kada haram hukumnya
Islam manangati kita barataan kada umpat-umpatan atawa meneron gawian, adat istiadat lawan akhlak bubuhan nurang kafir. Kita urang islam jangan kada, harus memingkut kuat-kuat aturan agamanya tumatan nang ngarannya iman atawa aqidah, nangkaya apa baibadah, nangkaya apa bakakawalan , akhlak lawan gawian nang sahari-hari. Tapi banyak bubuhan kita kada handak bahati-hati, diumpatinya aja gawian bubuhan urang kafir. Ini ngarannya lamah iman atawa kurang baiman. Inya kada tahu dibunguli lalu ditinggalkannya ajaran agama islam nang mulia, diambilnya ajaran urang kafir nang kada baik.
Banyak banar gawian bubuhan urang kafir yang diumpati bubuhan urang islam, sudahnya ngarannya baulang tahunan, bahurup utas , basalawar kantat atawa basalawar handap nangkaya babinian wayah ini, malihatakan paha nang putih, tajalak mata lalakian mahawasinya. Kalu paha putih kurang labih aja pang, tapi kalu pahanya bakunat bakas kuring/kudis atawa bakuridak hirang, urang sabarataan manyambati atawa maucap, paha yang banyak pulaunya ditampaikan jua. Padahal islam maharamakan babinian nanga manampai'akan auratnya.
Ma’andaki kambang diatas tanduan urang mati , lawan ma’andaki kambang dikuburan jadi gawiannya urang islam, kada tahunya asal muasalnya itu tahulah ikam , samunya'an gawian bubuhan urang hindu, lalu diumpati lih bubuhan kita urang islam. Sangkan urang kita islam kada papa maumpati apa nang digawi urang kafer, imbahai kita taumpat jadi kafer jua.
Ba'arwahan atawa bahaulan manalu (tiga) hari , menyalawi (duapuluh lima) hari, maampat puluh hari, menyaratus hari, imbah kematian kadada disuruh dalam agama islam,. Maniga hari, menyalawi, maampat puluh hari, manyaratus ratus itu datang dari peninggalan agama hindu. Kadabulih pang diumpati. Cari ja aturannya dalam agama islam kalu ada nang manyuruh bahaluan, ulama Kalimantan Selatan nang ujar urang bakaramat di Kalampayan Syech Muhammad Arsyad Al-Banjari dibuku sidin Sabilal Muhtadin manangati bahaulan itu. Tapi anak cucu, buyut turunan sidin, kita sabarataan bubuhan banjar, macam itu jua tuan guru rancak banar mahauli sidin Syech Muhammad Arsyad Al-Banjari. Nangkaya samalam ada haulan 100 tahun maninggalnya sidin, haulannya bangaran haul ganal ( akbar).
Kita barataan tasalah ganal (kalu bujur bahaulan itu disuruh digawi ulih islam), kanapa tasalah ganal ?!. Cuba dipikir mana alimnya Syech Muhammad ArsyadAl-Banjari lawan Nabi Muhammad shallahu ‘alaihi wasallam, atawa kada usah mambandingkan sidin lawan Rasullulah, lawan sahabat-sahabat radhyallahu ‘anhum kada talawani kealimannya. Nah kanapa kita barataan kada mahauli bubuhan sahabat. Kada dihaulinya Rasullulah atawa bubuhan sahabat sidin itu, disabab'akan kada ada suruhan atawa cuntuh nang kawa diumpati. Makanya sudah bujur kita barataan kada mahauli Rasullulah atawa bubuhan sahabat, nang tasalah ganal mahauli tuan guru-tuan guru atawa wali-wali nangkaya datu kalampayan Syech Muhammad Arsyad Al-Banjari, Guru Ijai di Sekumpul. Atawa bahualan nini padatuan lawan kuitan dan dingsanak nang mati.Kita barataan tasalah maumpati apa nang digawi ulama-ulama tadudi nang manyuruh kita bahaulan nangkaya gawiannya urang hindu.
Bubuhan urang islam kalu malihat atawa mandangar ada gawian urang kafer nang katuju barami-rami, nangkaya banatalan bubuhan karistin (nasrani) baulang tahun hari diranakannya Yesus ujarnya, bubuhan islam umpat jua bamulutan (memperingati maulid), urang karistin manggawi hari kenaikan Isa Al Masih, urang islam kada handak kalah jua, inya bami’ratan ( peringatan isra mi’raj), urang karistin barami-rami batahun baru masehi, Bubuhan urang islam kada handak kalah tadah jua, inya maulah jua paringatan manyambut tahun hanyar 1 Muharram.
Kadada dalam sirah islam nang dicuntuhakan Rasullulah shallalahu ‘alaihi wasallam atawa ulih bubuhan sahabat atawa suruhan tumat sidin, bubuhan kita umat islam maramikan hari-hari ganal (hari besar) islam, nang kaya nang banyak digawi wayah ini. Gawian itu umpat-umpatan aja lawan urang kafer.
Ulun ta’ingat dua talu bulan lalu kalu kada salah, kakanakan nang anum atawa nang bujang, laki-laki atawa babinian rami-rami manggawi hari bakasihan (hari kasih sayang/valentine day). Bahari lagi ulun anum kadada gawian kaya itu, satahu unda hanyar ampat lima tahun ini rami digawi kakakanakan sakulahan. Valentine day itu hari kakanakan urang karistin, ulih kakanan anum lawan nang babujangan islam diumpati, supaya haratlah kisahnya, kada tahunya maolah dusa .
Bubuhan kita urang islam, apalagi urang banjar katuju banar nang ngarannya basalamatan maundang urang badua selamat, urang-urang disurungi makanan wadai kakulih, tahukah nyawa wadai kakulih itu nangkaya apa?. Kakulih itu wadai nangkaya puding, diulah urang matan galapung baras dibari pudak diharu lawan banyu, disumap, sudah masak, didinginkan, imbah karas mamakannya lawan gula habang basantan (sarikaya). Wayah ini jarang urang maulah kakulih, kakulih diganti lawan nasi tumpeng. Basalamatan atawa basyukuran ngarannya wayah ini kada disyari’atkan Kadada aturannya dalam agama. Tumat dimana basalamatan atawa basyukuran. Kada tahunya itu gawian urang hindu nang kita umpati. Wayah ini urang banjar banyak banar nang katuju baulah nasi tumpang kalu ba’aruhan (basalamatan,) bahari nini padatuan atawa kuitan kita kada tahu pang nang ngarannya nasi tumpeng.
Kalu direken-reken (dihitung-hitung), kada karekenan lagi gawian urang kafer nang diumpati kita bubuhan islam. Kada tahu salah atawa bujur, kada tahu bujur bahalang, apa nang digawi urang diumpati tarus.
Umpat-umpatan ujar urang banjar, kalu bahasa arabnya tasyabbuh lawan urang kafer atawa agama lain, ditangati syari’at sabab ada hujjahnya tumat Rasullulah shallalahu ‘alaihi wasallamNabi shallallaahu ‘alaihi wa sallam bersabda :
مَنْ تَشَبَّهَ بِقَوْمٍ فَهُوَ مِنْهُمْ (أخرجه أحمد وغيره، وصججه الألباني في الإرواء رقم ١٢٦٩)“
Hadits Rasullulah shallalahu ‘alaihi wassalam mamadahi kita barataan kalu kita maumpati kaum atawa umat lain, kita tamasuk kadalam umat atawa kaum itu. Kalu umpat-umpatan lawan urang kafer kita taumpat kafer jua.
Ujar Syaikh Islam Ibnu Taimiyah: hikmah hadits Rasullulah shallalahu ‘alaihi wasallam kada kawa lurus jalan urang nang disuruh maumpati nang ngarannya lurus itu, kecuali inya kada maumpati jalan-jalan umat lain.
Imam Bukhari rahimahullah meriwayatkan sebuah hadits Rasullulah shalalahu a’alaihi wasallam :
(“Sungguh kalian akan mengikuti sunnah-sunnah yang ada pada pada umat sebelum kalian, sejengkal demi sejengkal dan sehasta demi sehasta. Hingga seandainya mereka masuk ke lubang biawak, niscaya kalian akan mengikutinya pula”. Kami (para shahabat) bertanya : “Wahai Rasulullah, apakah mereka orang-orang Yahudi dan Nasharani ?”. Beliau menjawab : “Siapa lagi ?” [Muttafaqun ‘alaih]
Allah ta’ala berfirman :
يَا أَيُّهَا الَّذِينَ آمَنُوا إِنْ تُطِيعُوا فَرِيقًا مِنَ الَّذِينَ أُوتُوا الْكِتَابَ يَرُدُّوكُمْ بَعْدَ إِيمَانِكُمْ كَافِرِينَ * وَكَيْفَ تَكْفُرُونَ وَأَنْتُمْ تُتْلَى عَلَيْكُمْ آيَاتُ اللَّهِ وَفِيكُمْ رَسُولُهُ وَمَنْ يَعْتَصِمْ بِاللَّهِ فَقَدْ هُدِيَ إِلَى صِرَاطٍ مُسْتَقِيمٍ“
“Hai orang-orang yang beriman, jika kamu mengikuti sebahagian dari orang-orang yang diberi Al-Kitab, niscaya mereka akan mengembalikan kamu menjadi orang kafir sesudah kamu beriman. Bagaimanakah kamu (sampai) menjadi kafir, padahal ayat-ayat Allah dibacakan kepada kamu, dan Rasul-Nya pun berada di tengah-tengah kamu? Barang siapa yang berpegang teguh kepada (agama) Allah maka sesungguhnya ia telah diberi petunjuk kepada jalan yang lurus” [QS. Ali ‘Imraan : 100-101].
( Wallahu ta’ala ‘alam )
Dituntungkan hari kamis, tanggal 20 Dzulqaidal 1431 H / 28 Oktober 201
copas dari (dgn sedikit editan) :
http://www.facebook.com/notes/abu-reyhan-al-banjary/nasehat-untuk-keluarga-besar-urang-banjar/156037937765960#!/note.php?note_id=156943707675383
0 comment:
Posting Komentar