By : Abu Farabi al-Banjar
Pertama-tama ulun minta ampun maaf lawan bubuhan sorang urang Banjar ,karena ulun kayanya harat banar dan pina paiya-iyanya, nang kaya paha-haratnya sarongan , memanderkan adat turun temurun matan padatuan bahari. Tapi soal pantingnya aqidah pinanya kada kawa disembarangkan, dan kada kawa didiamkam aja kalu tahu ada yang manyimpang . Biarpun sudah mandarah daging ibaratnya apa yang digawi matan bahari ulih nini padatatuan, kalu salah handaknya ditagur.
Agama kita islam menyuruh kita manggawi amar ma’ruf nahi munkar, artinya islam menyuruh kita barataan menggawi apa aja yang baik-baik, lawan menangati urang-urang yang rancak manggawi gawian kada senonoh. Makanya ulun menulis ini, kasan maingatakan wan kakawalan, banyak banar gawian urang tuha kita nang sampai wayah ini umpat digawi urang sakampungan nang ngarannya syirik, ada jua nang dingarani gawian bida’ah ( bid’ah).
Urang wayah ini, ngalih banar pinanya meninggalkan gawian urang bahari , takutan kalu pina katulahan padahal ujarnya sudah modern.Apa haja yang ngarannya kada masuk diakal digawi.Takutan banar lawan nang ngarannya meninggalkan adat istiadat urang bahari, padahal gawian adat istiadat itu banyak nang syirik wan bid’ah.
Kanapa gerang disambat bida’ah lawan syirik?. Kalu handak tahu, itu karna apa nang digawi kadada aturannya dalam agama, padahal Rasullulah shallallahu’alaihi wasallam mamadahkan, kita barataan kada bulih menambah-nambah gawian yang hanyar dalam agama, agama islam sudah maaturnya, sampai urusan mambasuh burit imbah bahera ada caranya.Apalagi gawian yang ganal dalam agama kadada yang tatinggal, semuaannya sudah . Makanya kada bulih manambah-nambahi, biar ulama yang babolang sebaganal nyiru manyuruh, jangan diumpati kalu kadada haditsnya. Menambah-nambahi gawian dalam urusan agama itu ujar Rasullullah shallalahu’alaihiwasallam ngarannya bid’ah. Ujar sidin bid’ah itu sasat, sasat itu wadahnya di naraka.
Banyak banar yang ngarannya adat urang bahari, yang masih digawi bubuhan urang banjar wayah ini yang masuk dalam bid’ah lawan syirik yang kada dibulihkan agama.
Urang banjar, angkaya urang-urang lainnya ngarannya aja bepadah beagama islam, tetapi banyak kada tahu diagama, umpat-umpatan aja apa ujar urang tuha .Mulai ditiankan didalam parut umanya, sampai dipatak dikuburan kada kawa tepisah yang ngarannya lawan gawian bida’ah (bid’ah ) lawan syirik.
Gawian apa apa aja dalam adat urang banyar yang kada maumpati sunnah Rasullulalah shallalahu ‘alaihi wasallam :
1. Mandi-mandi batianan 7 bulan
Waktu umanya batianan masuk bulan ketujuh, diadakan salamatan bamandi-mandi maundang urang sakampungan, lalu dibari makan. Disadia'akan bamacam-macam wadai, mulai apam, cucur, dodol, tapai lakatan, serabi, tabuang-buang aja duit kadada hasilnya, coba ditabung kasan ongkos membari bidan beranak. Rasullulah shalallahu ‘alaihiwasallam kadada mencontohkan waktu bini sidin batianan atawa bini sahabat sidin betianan diruh mandi-mandi. Kalu Rasullullah shallallahu ‘alahiwasallam atau sahabat kada menggawi yang ngarannya bemandi-mandi, lalu urang islam menggawinya, itu ngarannya meada-ada aja, kalu ujar agama itu ngarannya bid’ah. Kalu menggawai yang kada disuruh agama jadi bedosa. Jadi paharat-haratnya meolah aturan sorang.
Dalam selamatan mandi-mandi rancak pula diolahkan piduduk, dalam baskom diandaki baras, gulang, habang, nyiur lawan pisang. Piduduk itu ujar kasan mambari makani urang halus supaya kada mengganggu yang betianan lawan meminta pelindungan .Gawian macam itu syirik ngarannya. Percaya lawan urang halus atawa urang kayangan yang kawa mengganngu atawa melindungi samai lawan menuhankannya. Ada lagi yang temasuk syirik yang digawi oleh urang yang betianan, kalu bejalan keluar rumah membawa bulu landak, supaya hantu baranak dan kuyang kada wani baparak. Belindung itu minta kepada Allah, kada minta lawan bulu landak. Menggunakan buku landak kasan belindung sama aja menjadikan bulu landak itu jimat. Jimat haram hukumnya lawan syirik. Itu ujar Rasullulah shallallahu ‘alaihiwasallam.
Ujar ulama yang bujur-bujur ulama yang maumpati sunnah Rasul memadahkan selamatan tujuh bulanan itu maumpati urang-urang hindu. Kalu kita umpat apa yang digawi urang hindu, kita temasuk urang hindu jua.
Cari dalam kitab perukunan atawa kitabnya datu Kelampayan ( syaikh Muhammad Arsyad al-banjari ) yang bengaran Sabilah Muhtadin, adakah urang islam di dalamnya disuruh menggawi bemandi-mandi. membari piduduk, memakai jimat bulu landak. Teliur-liur mencarinya kada tedapat, memang itu bukan suruhan agama.
2. Bepalas Bidan lawan naik ayunan
Kalu sudah beranak, tembuninya dipatak didalam tanah, dibungkus kain putih, dibari kembang, lalu dilampui. Gawian itu mengaramput,bid’ah ngarannya, kadada contoh yang kawa diumpati datang Rasullullah shallalahu ‘alaihi wasallam atawa datang sahabat sidin . Kalu Rasullullah shallalahu ‘alaihi wasallaam atau sahabat (kekawalan ) sidin menyuruh, hanyar kita bulih maumpatinya.Kalu kedada perintah jangan digawi, biar ulama yang menyuruh, jangan diumpati kalu kedada hujjahnya.
Kalu umur anak sudah 40 hari, kuitannya maulah pulang selamatan bepalas bidan, bubuhan dikiaui, kada katinggalan urang sebelah menyebelah rumah, ada jua yang mengiuai urang kampung se rt, dibacakan doa selamat lawan urang yang habis beranak tyadi ditapung tawari lawan banyak kambang becampur bebanyun ( harum-haruman ). Baimbaian lawan bepalas bidan, si anak/bayi ditasmiyahi lalu imbah itu naik ayunan.
Bestamiyahan lawan naik ayunan kada katinggalan adat membaca muluit di’ba atawa barzanzi.
Kalu membari ngarani anak memang disunahkan Rasullullah shallalhu ‘alaihi wasallam, tapi kadada disuruh bedi’baan ( membaca mulut di’ba) atawa barzanzi, rasullulah shallalhu ‘alaihi wasallam kadada jua menyuruh bepalas bidan lawan naik ayunan. Itu samuaannya gawian bid’ah.
Kalu ada kakawalan atawa bubuhan betakun, kenapa kalu betasmiayahan kada dibulihkan membaca mulud di’ba atawa barzani, i shalawat itukan kasan Rasullulah shallalahu ‘alaihi wasallam, bershalawat kasan Rasul kan disuruh? Memang bujur membaca shalawat itu disuruh, tapi shalawat yang diajarkan Nabi, yaitu shalawat yang dibaca waktu duduk tahiyat dalam sholat. Shalawat di’ba atawa barzanzi olahan ulama penyair, isinya belabihan banar memuji Nabi, ujar urang wayah ini mengkultuskan Nabi, itu kada bulih bisa-bisa syirik.
3. Gawian syirik imbah beranak.
Makacil bebinian kalu imbah beranak di jempol batisnya diikati banang hirang, kalu kada di ikati banang hirang kena tekena kelalah, penyakit bebinian imbah beranak. Gawian itu masuk syirik jua, belindung lawan banang hirang, maolah banang jadi jimat, di haramkan agama. Belindung itu lawan Allah kadapang belindung kepada barang ciptaan.
Kalu handak tahu, temasuk syirik jua menggantungi ayunan lawan kitab Surah Yasin, atawa ma andak kitab surah Yasin dibawah bantal bayi, biar kada diganggu syetan atawa mahluk gaib yang ketujuh lawan kekanakan halus. Angkayanya kitab Yasin itu kawa melindungi, belindung itu minta lawan Allah.
Sampai disini aja dulu, kena disambung lagi.
Dituntungkan ba’da shubuh Jum’at, 14 Dzulqaidah 1431 H/ 22 Oktober 2010.
copas dari (dgn sedikit editan) :
By : Abu Farabi al-Banjar
Pertama-tama ulun minta ampun maaf lawan bubuhan sorang urang Banjar ,karena ulun kayanya harat banar dan pina paiya-iyanya, nang kaya paha-haratnya sarongan , memanderkan adat turun temurun matan padatuan bahari. Tapi soal pantingnya aqidah pinanya kada kawa disembarangkan, dan kada kawa didiamkam aja kalu tahu ada yang manyimpang . Biarpun sudah mandarah daging ibaratnya apa yang digawi matan bahari ulih nini padatatuan, kalu salah handaknya ditagur.
Agama kita islam menyuruh kita manggawi amar ma’ruf nahi munkar, artinya islam menyuruh kita barataan menggawi apa aja yang baik-baik, lawan menangati urang-urang yang rancak manggawi gawian kada senonoh. Makanya ulun menulis ini, kasan maingatakan wan kakawalan, banyak banar gawian urang tuha kita nang sampai wayah ini umpat digawi urang sakampungan nang ngarannya syirik, ada jua nang dingarani gawian bida’ah ( bid’ah).
Urang wayah ini, ngalih banar pinanya meninggalkan gawian urang bahari , takutan kalu pina katulahan padahal ujarnya sudah modern.Apa haja yang ngarannya kada masuk diakal digawi.Takutan banar lawan nang ngarannya meninggalkan adat istiadat urang bahari, padahal gawian adat istiadat itu banyak nang syirik wan bid’ah.
Kanapa gerang disambat bida’ah lawan syirik?. Kalu handak tahu, itu karna apa nang digawi kadada aturannya dalam agama, padahal Rasullulah shallallahu’alaihi wasallam mamadahkan, kita barataan kada bulih menambah-nambah gawian yang hanyar dalam agama, agama islam sudah maaturnya, sampai urusan mambasuh burit imbah bahera ada caranya.Apalagi gawian yang ganal dalam agama kadada yang tatinggal, semuaannya sudah . Makanya kada bulih manambah-nambahi, biar ulama yang babolang sebaganal nyiru manyuruh, jangan diumpati kalu kadada haditsnya. Menambah-nambahi gawian dalam urusan agama itu ujar Rasullullah shallalahu’alaihiwasallam ngarannya bid’ah. Ujar sidin bid’ah itu sasat, sasat itu wadahnya di naraka.
Banyak banar yang ngarannya adat urang bahari, yang masih digawi bubuhan urang banjar wayah ini yang masuk dalam bid’ah lawan syirik yang kada dibulihkan agama.
Urang banjar, angkaya urang-urang lainnya ngarannya aja bepadah beagama islam, tetapi banyak kada tahu diagama, umpat-umpatan aja apa ujar urang tuha .Mulai ditiankan didalam parut umanya, sampai dipatak dikuburan kada kawa tepisah yang ngarannya lawan gawian bida’ah (bid’ah ) lawan syirik.
Gawian apa apa aja dalam adat urang banyar yang kada maumpati sunnah Rasullulalah shallalahu ‘alaihi wasallam :
1. Mandi-mandi batianan 7 bulan
Waktu umanya batianan masuk bulan ketujuh, diadakan salamatan bamandi-mandi maundang urang sakampungan, lalu dibari makan. Disadia'akan bamacam-macam wadai, mulai apam, cucur, dodol, tapai lakatan, serabi, tabuang-buang aja duit kadada hasilnya, coba ditabung kasan ongkos membari bidan beranak. Rasullulah shalallahu ‘alaihiwasallam kadada mencontohkan waktu bini sidin batianan atawa bini sahabat sidin betianan diruh mandi-mandi. Kalu Rasullullah shallallahu ‘alahiwasallam atau sahabat kada menggawi yang ngarannya bemandi-mandi, lalu urang islam menggawinya, itu ngarannya meada-ada aja, kalu ujar agama itu ngarannya bid’ah. Kalu menggawai yang kada disuruh agama jadi bedosa. Jadi paharat-haratnya meolah aturan sorang.
Dalam selamatan mandi-mandi rancak pula diolahkan piduduk, dalam baskom diandaki baras, gulang, habang, nyiur lawan pisang. Piduduk itu ujar kasan mambari makani urang halus supaya kada mengganggu yang betianan lawan meminta pelindungan .Gawian macam itu syirik ngarannya. Percaya lawan urang halus atawa urang kayangan yang kawa mengganngu atawa melindungi samai lawan menuhankannya. Ada lagi yang temasuk syirik yang digawi oleh urang yang betianan, kalu bejalan keluar rumah membawa bulu landak, supaya hantu baranak dan kuyang kada wani baparak. Belindung itu minta kepada Allah, kada minta lawan bulu landak. Menggunakan buku landak kasan belindung sama aja menjadikan bulu landak itu jimat. Jimat haram hukumnya lawan syirik. Itu ujar Rasullulah shallallahu ‘alaihiwasallam.
Ujar ulama yang bujur-bujur ulama yang maumpati sunnah Rasul memadahkan selamatan tujuh bulanan itu maumpati urang-urang hindu. Kalu kita umpat apa yang digawi urang hindu, kita temasuk urang hindu jua.
Cari dalam kitab perukunan atawa kitabnya datu Kelampayan ( syaikh Muhammad Arsyad al-banjari ) yang bengaran Sabilah Muhtadin, adakah urang islam di dalamnya disuruh menggawi bemandi-mandi. membari piduduk, memakai jimat bulu landak. Teliur-liur mencarinya kada tedapat, memang itu bukan suruhan agama.
2. Bepalas Bidan lawan naik ayunan
Kalu sudah beranak, tembuninya dipatak didalam tanah, dibungkus kain putih, dibari kembang, lalu dilampui. Gawian itu mengaramput,bid’ah ngarannya, kadada contoh yang kawa diumpati datang Rasullullah shallalahu ‘alaihi wasallam atawa datang sahabat sidin . Kalu Rasullullah shallalahu ‘alaihi wasallaam atau sahabat (kekawalan ) sidin menyuruh, hanyar kita bulih maumpatinya.Kalu kedada perintah jangan digawi, biar ulama yang menyuruh, jangan diumpati kalu kedada hujjahnya.
Kalu umur anak sudah 40 hari, kuitannya maulah pulang selamatan bepalas bidan, bubuhan dikiaui, kada katinggalan urang sebelah menyebelah rumah, ada jua yang mengiuai urang kampung se rt, dibacakan doa selamat lawan urang yang habis beranak tyadi ditapung tawari lawan banyak kambang becampur bebanyun ( harum-haruman ). Baimbaian lawan bepalas bidan, si anak/bayi ditasmiyahi lalu imbah itu naik ayunan.
Bestamiyahan lawan naik ayunan kada katinggalan adat membaca muluit di’ba atawa barzanzi.
Kalu membari ngarani anak memang disunahkan Rasullullah shallalhu ‘alaihi wasallam, tapi kadada disuruh bedi’baan ( membaca mulut di’ba) atawa barzanzi, rasullulah shallalhu ‘alaihi wasallam kadada jua menyuruh bepalas bidan lawan naik ayunan. Itu samuaannya gawian bid’ah.
Kalu ada kakawalan atawa bubuhan betakun, kenapa kalu betasmiayahan kada dibulihkan membaca mulud di’ba atawa barzani, i shalawat itukan kasan Rasullulah shallalahu ‘alaihi wasallam, bershalawat kasan Rasul kan disuruh? Memang bujur membaca shalawat itu disuruh, tapi shalawat yang diajarkan Nabi, yaitu shalawat yang dibaca waktu duduk tahiyat dalam sholat. Shalawat di’ba atawa barzanzi olahan ulama penyair, isinya belabihan banar memuji Nabi, ujar urang wayah ini mengkultuskan Nabi, itu kada bulih bisa-bisa syirik.
3. Gawian syirik imbah beranak.
Makacil bebinian kalu imbah beranak di jempol batisnya diikati banang hirang, kalu kada di ikati banang hirang kena tekena kelalah, penyakit bebinian imbah beranak. Gawian itu masuk syirik jua, belindung lawan banang hirang, maolah banang jadi jimat, di haramkan agama. Belindung itu lawan Allah kadapang belindung kepada barang ciptaan.
Kalu handak tahu, temasuk syirik jua menggantungi ayunan lawan kitab Surah Yasin, atawa ma andak kitab surah Yasin dibawah bantal bayi, biar kada diganggu syetan atawa mahluk gaib yang ketujuh lawan kekanakan halus. Angkayanya kitab Yasin itu kawa melindungi, belindung itu minta lawan Allah.
Sampai disini aja dulu, kena disambung lagi.
Dituntungkan ba’da shubuh Jum’at, 14 Dzulqaidah 1431 H/ 22 Oktober 2010.
copas dari (dgn sedikit editan) :
0 comment:
Posting Komentar